ໃນຕອນເຊົ້າຂອງວັນທີ 16 ເດືອນ ພະຈິກ ປີ 2023, ທີ່ ສະໂມສອນ ຄະນະກວດກາສູນກາງພັກ. ທ່ານ ປອ ຄຳພັນພົມມະທັດ ກຳມະການກົມການເມືອງສູນກາງພັກ, ເລຂາທິການສູນກາງພັກ, ປະທານຄະນະກວດກາສູນກາງພັກ, ປະທານອົງການກວດກາແຫ່ງລັດ ແລະຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ໄດ້ເຄື່ອນໄຫວພົບປະແລກປ່ຽນຄຳຄິດຄໍາເຫັນ ກ່ຽວກັບການເຄື່ອນໄຫວຈັດຕັ້ງປະຕິບັດວຽກງານຕິດຕາມ, ກວດກາພັກ ຮ່ວມກັບຄະນະກົມ ແລະ ພະນັກງານ-ລັດຖະກອນ ຂອງກົມກວດກາພັກ ຄະນະກວດກາສູນກາງພັກ.

ໂດຍປະຕິບັດຕາມແຜນການຂອງຄະນະກວດກາສູນກາງພັກ ກ່ຽວກັບການລົງຕິດຕາມ, ກວດກາ ແລະ ຊຸກຍູ້ການເຄື່ອນໄຫວຈັດຕັ້ງປະຕິບັດວຽກງານຕິດຕາມ, ກວດກາພັກ ແລະ ເພື່ອສົນທະນາແລກປ່ຽນຄຳຄິດ, ຄຳເຫັນ, ສ້າງຄວາມຮັບຮູ້, ເຂົ້າໃຈໃນຂົງເຂດວຽກງານກວດກາພັກ ທັງຊອກເຫັນຈຸດສຳຄັນໃນບັນຫາທີ່ຄົງຄ້າງ, ຮູ້ສະພາບ ລວມ, ຈຸດອ່ອນຂໍ້ຄົງຄ້າງ ແລະ ປຶກສາຫາລືວິທີແກ້ໄຂ ເພື່ອປັບປຸງໃຫ້ດີຂຶ້ນ, ພ້ອມທັງສ້າງທັກສະແບບແຜນວິທີເຮັດວຽກ, ແບບແຜນນຳພາ-ຈັດຕັ້ງປະຕິບັດໃນວຽກງານວິຊາສະເພາະ, ກຳນົດແຜນການ, ແຜນງານ ໃຫ້ມີການປ່ຽນແປງຢ່າງຕັ້ງໜ້າ, ເປັນການເພີ່ມຄວາມຮູ້, ຄວາມສາມາດຂອງພະນັກງານ ໃນການຈັດຕັ້ງປະຕິບັດວຽກງານຕົວຈິງໃຫ້ມີຄຸນນະພາບ ແລະ ປະສິດທິຜົນສູງກວ່າເກົ່າ.

ກອງປະຊຸມຄັ້ງນີ້ ທ່ານ ຄູນແກ້ວ ສີອຸ່ນໄທ ກໍາມະການພັກ ຄະນະກວດ ກາສູນກາງພັກ ແລະ ອົງການກວດກາແຫ່ງລັດ, ຫົວໜ້າກົມກວດກາພັກ ໄດ້ລາຍງານສະພາບການ ເຄື່ອນໄຫວວຽກງານຕິດຕາມ, ກວດກາພັກໂດຍຫຍໍ້ ເຊິ່ງໄດ້ຍົກໃຫ້ເຫັນການເຄື່ອນໄຫວໃນໄລຍະທີ່ຜ່ານມາ ຄະນະພັກ, ຄະນະກົມກວດກາພັກ ແມ່ນໄດ້ເອົາໃຈໃສ່ນໍາພາ-ຊີ້ນໍາ ບັນດາພະແນກພາຍໃນກົມ ເຄື່ອນໄຫວຈັດຕັ້ງປະຕິບັດຕາມພາລະບົດ ບາດ ແລະ ເຄື່ອນໄຫວຕາມທິດຊີ້ນໍາຂອງຄະນະພັກ ຄະນະກວດກາສູນກາງພັກ ໂດຍໄດ້ມີຜົນສໍາເລັດໃນຫຼາຍດ້ານ ເຊິ່ງມີດ້ານດີທີ່ຕັ້ງໜ້າ, ດ້ານອ່ອນ-ຂໍ້ຄົງຄ້າງ ແລະ ບັນຫາຕ່າງໆທີ່ເກີດຂຶ້ນໃນການເຄື່ອນໄຫວວຽກງານຕິດຕາມ, ກວດກາພັກທີ່ຕິດພັນກັບການປະຕິບັດວຽກງານຕົວຈິງ. ຈາກນັ້ນ ຍັງໄດ້ພ້ອມກັນປະກອບຄຳຄິດເຫັນ-ຄຳສະເໜີ, ເຈາະຈີ້ມບາງບັນຫາທີ່ສົນໃຈ, ໂດຍສະເພາະບັນຫາຮີບດ່ວນທີ່ເປັນການເລັ່ງທວງຈາກພັກ ແລະ ສັງຄົມ ລະຫວ່າງບັນດາສະມາຊິກພັກ-ພະນັກງານຜູ້ເຮັດວຽກງານຕິດຕາມ, ກວດກາພັກ ຕໍ່ກອງປະຊຸມ.

ໃນຕອນທ້າຍ ທ່ານ ປອ ຄຳພັນ ພົມມະທັດ ປະທານກອງປະຊຸມ ຍັງໄດ້ມີຄຳເຫັນໂອ້ລົມ ເນັ້ນໜັກໃຫ້ພະນັກງານພາຍໃນກົມກວດກາພັກພ້ອມກັນຈັດຕັ້ງປະຕິບັດບັນດາມະຕິຕ່າງໆ ໃນຖານະເປັນເສນາທິການແກ່ຄະ ນະພັກ, ມີຄວາມຮັບຜິດຊອບເປັນເຈົ້າການໃນການຈັດຕັ້ງປະຕິບັດ ໃຫ້ລະອຽດຈະແຈ້ງ, ເຖິງຖອງ ແລະ ເປັນທຳ, ຖືເອົາການກວດກາພັກປົກກະຕິ, ເປັນບັນຫາທີ່ສຳຄັນ ແລະ ເປັນພື້ນຖານ. ພ້ອມທັງໃຫ້ຄວາມສຳຄັນໃນການຈັດຕັ້ງປະຕິບັດຕົວຈິງ ຕາມພາລະບົດບາດດ້ວຍຄວາມຮັບຜິດຊອບສູງ ຕໍ່ການຈັດຕັ້ງປະຕິບັດໜ້າທີ່ການເມືອງ ຢ່າງເຂັ້ມງວດ, ຮູ້ວິໄຈ, ຈຳແນກ, ໄຈ້ແຍກ ບັນຫາທີ່ຍັງເຮັດບໍ່ທັນໄດ້ ຫຼື ພາລະບົດບາດໄດ້ກຳນົດໄວ້ ຢ່າງມີປະສິດທິຜົນສູງ.