ວັນທີ 06 ທັນວາ 2024 ນີ້, ໜ່ວຍພັກຄະນະກວດກາ ເມືອງ ຮຸນ ແຂວງ ອຸດົມໄຊ ຈັດກອງປະຊຸມໃຫຍ່ ຄັ້ງທີ II ຂອງຕົນ ຂຶ້ນທີ່ ຫ້ອງປະຊຸມຊັ້ນ2 ຫ້ອງວ່າການເມືອງຮຸນ ພາຍໃຕ້ການເປັນປະທານກອງປະຊຸມ ຂອງ ສະຫາຍ ຫຸມແພງ ສຸຂະທິວົງ ເລຂາພັກໜ່ວຍພັກ, ຮອງປະທານ ກວດກາພັກ ແລະ ອົງການກວດກາລັດ ເມືອງ, ໂດຍການໃຫ້ກຽດເຂົ້າຮ່ວມຂອງ ສະຫາຍ ນ. ຄໍາໝັ້ນ ແກ້ວບຸນຫວນ ກໍາມະການພັກແຂວງ ເລຂາພັກເມືອງ ເຈົ້າເມືອງ-ເມືອງຮຸນ, ມີສະຫາຍ ໄລພອນ ລິດຕະວົງ ຮອງເລຂາພັກເມືອງ ປະທານ ຄະນະກວດກາພັກ ແລະ ອົງການກວດກາລັດເມືອງ, ມີສະຫາຍ ພອນແກ້ວ ຍອດມະນີ ກໍາມະການພັກເມືອງ ຫົວໜ້າ ຄະນະຈັດຕັ້ງເມືອງ, ບັນດາສະຫາຍສະມາຊິກພັກພາຍໃນໜ່ວຍ ພ້ອມດ້ວຍແຂກຖືກເຊີນຈາກໜ່ວຍພັກຫ້ອງການ ແລະ ອ້ອມຂ້າງເມືອງ, ຄະນະຮັບຜິດຊອບຂັ້ນເມືອງເຂົ້າຮ່ວມ.

ໃນກອງປະຊຸມໄດ້ຜ່ານ ຮ່າງລາຍງານການເມືອງ ແລະ ທິດທາງແຜນການ, ແຜນພັດທະນາເສດຖະກິດ-ສັງ ຄົມ, ຜ່ານບົດສຳຫຼວດການນໍາພາລວມຂອງຄະນະພັກໃນໄລຍະຜ່ານມາ, ໂດຍໄດ້ຍົກໃຫ້ເຫັນຜົນງານການນໍາພາ-ຊີ້ນໍາ ການເຄື່ອນໄຫວຈັດຕັ້ງປະຕິບັດວຽກງານຮອບດ້ານຂອງຄະນະພັກໃນໄລຍະ 5 ປີຜ່ານມາ ເຊິ່ງໄດ້ມີຜົນສໍາເລັດຫຼາຍດ້ານ. ພ້ອມທັງຍົກໃຫ້ເຫັນດ້ານດີທີ່ຕັ້ງໜ້າເພື່ອເສີມຂະຫຍາຍ, ດ້ານອ່ອນຂໍ້ຄົງຄ້າງ ແລະ ບັນດາບົດຮຽນທີ່ຖອດຖອນໄດ້, ພ້ອມນີ້ບັນດາສະຫາຍຜູ້ແທນກອງປະຊຸມໄດ້ພ້ອມກັນໃຊ້ສິດປະຊາທິປະໄຕຂອງຕົນປ່ອນບັດເລືອກຕັ້ງເອົາຄະນະໜ່ວຍພັກຊຸດໃໝ່, ເຊິ່ງມີຜູ້ຮັບສະໝັກເລືອກຕັ້ງທັງໝົດ 05 ສະຫາຍ; ຍິງ 0 ສະຫາຍ. ເລືອກເອົາ 03 ສະ ຫາຍ, ໃນນັ້ນເລືອກໄດ້ 03 ສະຫາຍ, ກອງປະຊຸມຄັ້ງປະຖົມມະລຶກໄດ້ເປັນເອກະສັນກັນເລືອກເອົາ ສະຫາຍ ໂອໄຊ ສີສຸພັນ ກໍາມະການພັກເມືອງ ເປັນເລຂາໜ່ວຍພັກ, ສະຫາຍ ຫຸມແພງ ສຸຂະທິວົງ ເປັນຮອງເລຂາໜ່ວຍພັກ ແລະ ສະຫາຍ ອ່ອນຄໍາ ອຸ່ນທິກຸນ ເປັນກໍາມະການໜ່ວຍພັກ, ພ້ອມທັງເປັນຜູ້ເຮັດວຽກງານກວດກາໜ່ວຍພັກ.