ໃນຕອນເຊົ້າຂອງວັນທີ 12 ກັນຍາ 2024 ນີ້, ທີ່ຫ້ອງປະຊຸມ ອົງການປົກຄອງເມືອງທ່າປາງທອງ ທີມງານຂ່າວສານຄະນະກວດກາສູນກາງພັກ ນໍາໂດຍ ທ່ານ ທໍາມະລາດ ມະນີວົງ ຮອງປະທານຄະນະກວດກາພັກ-ອົງການກວດກາລັດແຂວງ, ມີທ່ານ ນາງ ບຸນອ້ອມ ອຸ່ນມະໂນ ຮອງຫົວໜ້າກົມຄົ້ນຄວ້າ ແລະ ວາລະສານກວດກາ, ຮອງຫົວໜ້າຄະນະບັນນາທິການວາລະສານກວດກາ ພ້ອມດ້ວຍຄະນະ, ໄດ້ລົງເກັບກໍາຂໍ້ມູນຂ່າວສານຢູ່ຄະນະກວດກາພັກ-ອົງການກວດກາລັດ ເມືອງ ທ່າປາງທອງ ແຂວງ ສະຫວັນນະເຂດ. ໂດຍມີ ທ່ານ ນາງ ໂອລີວັນ ວໍລະຈິດ ຮັກສາການ ປະທານຄະນະກວດກາພັກ-ອົງການກວດກາລັດເມືອທ່າປາງທອງ, ບັນດາທ່ານຮອງປະທານ ພ້ອມດ້ວຍພະ ນັກງານກວດກາເມືອງເຂົ້າຮ່ວມ.

ໂອກາດດັ່ງກ່າວ ທ່ານ ນາງ ໂອລີວັນ ວໍລະຈິດ ໄດ້ລາຍງານສະພາບລວມໃນການເຄື່ອນໄຫວວຽກງານກວດ ກາໃນໄລຍະຜ່ານມາ ໂດຍທ່ານໄດ້ຍົກໃຫ້ເຫັນສະພາບລວມຂອງເມືອງ, ການຈັດຕັ້ງປະຕິບັດວຽກງານຂອງຄະນະກວດກາ ນັບແຕ່ກອງປະຊຸມໃຫຍ່ ຄັ້ງທີ VI ຂອງອົງຄະນະພັກເມືອງ, ໂດຍສະເພາະໃນ 1 ປີຜ່ານມາ ຄະນະພັກ, ຄະນະກວດກາພັກ-ລັດເມືອງ ໄດ້ເອົາໃຈໃສ່ໃນການສຶກສາອົບການເມືອງແນວຄິດ, ເຊື່ອມຊຶມບັນດາແນວທາງນະ ໂຍບາຍ, ມະຕິ, ຄໍາສັ່ງ, ຄໍາແນະນໍາ, ກົດລະບຽບຂອງພັກ, ກົດໝາຍຂອງລັດ ແລະ ເອກະສານສໍາຄັນຕ່າງໆໃຫ້ສະ ມາຊິກພັກ, ພະນັກງານ-ລັດຖະກອນ ເປັນປົກກະຕິ; ວຽກງານກວດກາພັກ, ກວດກາລັດແມ່ນໄດ້ສຸມໃສ່ຕິດຕາມ, ກວດກາປົກກະຕິ. ໃນ 06 ເດືອນຜ່ານມາໄດ້ຕິດຕາມການສະຫຼຸບ, ລາຍງານການຮ່ວມຊີວິດພັກຂອງບັນດາໜ່ວຍ ພັກຈຸດສຸມກຸ່ມບ້ານ ແລະ ໜ່ວຍພັກຫ້ອງການອ້ອມຂ້າງ ເມືອງ ປະຈຳເດືອນ ໄດ້ທັງໝົດ 72 ໜ່ວຍພັກ, ເຂົ້າຮ່ວມກອງປະຊຸມໜ່ວຍພັກປອດໃສ, ເຂັ້ມແຂງ, ໜັກແໜ້ນ ຂອງໜ່ວຍພັກກຸ່ມເຊປ໋ອງ ປະຈໍາປີ 2023; ຕິດຕາມ, ກວດ ກາ, ຊຸກຍູ້ການນໍາພາ-ຊີ້ນໍາວຽກງານຮອບດ້ານ ປະຈໍາປີ 2023 ຢູ່ພາຍໃນໜ່ວຍພັກກົມກອງ, ຫ້ອງການອ້ອມຂ້າງເມືອງໄດ້ທັງໝົດ 20 ໜ່ວຍພັກ, ເຂົ້າຮ່ວມພິທີຮັບມະຫາຊົນກ້າວໜ້າເຂົ້າເປັນສະມາຊິກພັກສໍາຮອງ ຂອງໜ່ວຍພັກບ້ານທ່າພີ່, ເຂົ້າຮ່ວມ ແລະ ຕິດຕາມກອງປະຊຸມສະຫຼຸບວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດ ຕັ້ງທົ່ວເມືອງ ປະຈຳ 2023, ລົງທາບທາມຄະນະໜ່ວຍພັກກົມກອງ, ຫ້ອງການອ້ອມຂ້າງເມືອງ ແລະ ຄະນະໜ່ວຍພັກບ້ານຮ່ວມກັບພາກສ່ວນກ່ຽວຂ້ອງໄດ້ 32 ໜ່ວຍພັກ; ເຂົ້າຮ່ວມກອງປະຊຸມສໍາມະນາເຜີຍແຜ່ກົດໝາຍ ວ່າດ້ວຍການກວດກາລັດ ແລະ ທາບທາມຄໍາຄິດເຫັນໃສ່ຮ່າງກົດໝາຍວ່າດ້ວຍການສະກັດກັ້ນ ແລະ ຕ້ານການສໍ້ລາດບັງຫຼວງ (ສະບັບປັບປຸງ) ຮ່າງຍຸດທະສາດຕ້ານການສໍ້ລາດບັງຫຼວງແຕ່ປີ 2023-2030, ເຂົ້າຮ່ວມກອງປະຊຸມກ່ຽວກັບການຕ້ານປະກົດການຫຍໍ້ທໍ້ຂັ້ນເມືອງ 04 ຄັ້ງ; ໄດ້ລົງຕິດຕາມ, ກວດກາ, ຊຸກຍູ້ການຈັດ ຕັ້ງປະຕິບັດລາຍຮັບ-ລາຍຈ່າຍງົບປະມານ ປະຈໍາປີ 2023 ຢູ່ຫ້ອງການອ້ອມຂ້າງ ເມືອງໄດ້ 19 ຫ້ອງການ ແລະ 01 ມສ ໂນນຈານ; ລົງຕິດ ຕາມ, ກວດກາໂຮງງານຖ່ານຂາວ-ໂຮງງານເຟິນີເຈີໄມ້ແປຮູບ ແລະ ຫັດຖະກຳຄອບຄົວ 02 ຄັ້ງມີ 07 ໂຮງງານ, ລົງເຄື່ອນໄຫວ, ຕິດຕາມ ແລະ ສະກັດກັ້ນຕາມຈຸດຕ່າງໆພາຍໃນເມືອງ ທີ່ພໍ່ຄ້າຊາວຂາຍລັກລອບຂົນຖ່ານດໍາ, ໄມ້ຫວງຫ້າມປ້ອນເຂົ້າໂຮງງານທີ່ຜິດຕາມລະບຽບກົດໝາຍກໍ່ຄື: ຕາມຂໍ້ຕົກລົງຂອງທ່ານເຈົ້າເມືອງເລກທີ 01/ຈມ ໄດ້ 03 ຄັ້ງ.

ພາຍຫຼັງທີ່ໄດ້ຮັບຟັງການລາຍງານແລ້ວທີມງານຂ່າວສານ ກໍ່ໄດ້ມີຄຳຖາມເຈາະຈີ້ມຕໍ່ກັບບັນຫາທີ່ພົ້ນເດັ່ນພາຍໃນເມືອງ, ໂດຍສະເພາະແມ່ນບັນຫາປະກົດການຫຍໍ້ທໍ້ທີ່ເກີດຂຶ້ນພາຍໃນຖັນແຖວພະນັກງານຫ-ລັດຖະກອນຢູ່ບັນດາຫ້ອງການອ້ອມຂ້າງເມືອງຈຳນວນໜຶ່ງ. ເຊິ່ງຄະນະກວດກາແຂວງ ແລະ ຄະນະກວດກາເມືອງກໍ່ໄດ້ຊີ້ແຈງອະ ທິບາຍຢ່າງກົງໄປກົງມາ ອັນໄດ້ເຮັດໃຫ້ຂໍ້ມູນທີ່ຈະນໍາໄປຂຽນບົດ, ຂ່າວຈະແຈ້ງຂຶ້ນຕື່ມ ແລະ ເຮັດໃຫ້ນັກຂ່າວໄດ້ມີມູນມອງໃນການຂຽນ ແລະ ແທດກັບຕົວຈິງຫຼາຍຂຶ້ນ.