ໃນພິທີ ສະຫາຍ ໜໍ່ຄໍາ ນົງສຸວັນ ຮອງເລຂາໜ່ວຍພັກຄະນະກວດກາພັກ-ລັດ ແຂວງ ໄດ້ຜ່ານມະຕິຕົກລົງ ຂອງຄະນະປະຈໍາພັກແຂວງ ສະບັບເລກທີ 254/ຄປພຂ,ບກ, ລົງວັນທີ 11 /3/2024 ວ່າດ້ວຍການຮັບຮອງເປັນ ໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈໍາປີ 2023, ໃຫ້ໜ່ວຍພັກຄະນະຈັດຕັ້ງ ແຂວງບໍ່ແກ້ວ, ໜ່ວຍພັກຄະ ນະກວດກາພັກ-ອົງການກວດກາລັດແຂວງບໍ່ແກ້ວ, ໃຫ້ກຽດມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນໃຫ້ 2 ໜ່ວຍພັກ ໂດຍສະຫາຍ ປອ ທອງຈັນ ມະນີໄຊ ກໍາມະການສູນກາງພັກ ເລຂາພັກແຂວງ ເຈົ້າແຂວງໆບໍ່ແກ້ວ.

ໂອກາດນີ້, ສະຫາຍ ປອ ທອງຈັນ ມະນີໄຊ ກໍາມະການສູນກາງພັກ ເລຂາພັກແຂວງ ເຈົ້າແຂວງ ບໍ່ແກ້ວໄດ້ມີ ຄໍາເຫັນໂອ້ລົມຕໍ່ພິທີ, ເຊິ່ງສະຫາຍໄດ້ຍ້ອງຍໍຊົມເຊີຍຕໍ່ຜົົນງານອັນຍິ່ງໃຫຍ່ໃນການຊີ້ນໍາ-ນໍາພາວຽກງານໃນຂອບເຂດຄວາມຮັບຜິດຊອບຂອງຕົນທີ່ຄະນະໜ່ວຍພັກທັງ 2 ໜ່ວຍຍາດມາໄດ້ຕະຫຼອດໄລຍະ 1 ປີ່ຜ່ານມາ ແລະ ເນັ້ນໃຫ້ຄະ ນະໜ່ວຍພັກຈົ່ງພ້ອມກັນເຕົ້າໂຮມຄວາມສາມັກຄີ, ສືກສາອົບຮົມການເມືອງແນວຄິດໃຫ້ສະມາຊິກພັກພາຍໃນໜ່ວຍ ພັກ, ພະນັກງານໃນກົມກອງຂອງຕົນ ໃຫ້ມີແນວຄິດອຸ່ນອ່ຽນທຸ່ນທ່ຽງເຊຶ່ອໝັ້ນຕໍ່ການນໍາພາຂອງພັກ. ຄະນະພັກ, ສະ ມາຊິກພັກແຕ່ລະສະຫາຍຕ້ອງຖືເອົາການປັບປຸງ, ກໍ່ສ້າງພັກຕາມ 5 ຫຼັກການ 3 ທິດນໍາເປັນພື້ນຖານ; ເອົາໃຈໃສ່ປະຕິ ບັດຕາມຫຼັກການລວມສູນປະຊາທິປະໄຕ, ຕົກລົງເປັນໝູ່ຄະນະ, ເຮັດວຽກມີແຜນການ, ມີຈຸດສຸມ, ແບ່ງງານໃຫ້ບຸກ ຄົນຮັບຜິດຊອບລະອຽດຈະແຈ້ງ, ມີການຕິດຕາມ, ກວດກາ ແລະສະຫຼຸບຖອດຖອນບົດຮຽນ, ມີການປະສານສົມທົບ ແໜ້ນລະຫວ່າງສາຍຕັ້ງ-ສາຍຂວາງ, ຍົກສູງບົດບາດຄວາມຮັບຜິດຊອບຂອງອົງການຈັດຕັ້ງມະຫາຊົນໃຫ້ກາຍເປັນກໍາ ລັງແຮງທີ່ໜັກແໜ້ນ, ເຂັ້ມແຂງຂອງພັກ; ປະຕິບັດລະບອບດຳເນີນຊີວິດພາຍໃນພັກ, ພາຍໃນອົງການຈັດຕັ້ງມະຫາຊົນໃຫ້ເປັນປົກກະຕິ, ຮັບປະກັນທາງດ້ານເນື້ອໃນ, ຮູບການ ແລະ ວິທີການ, ການຕິຊົມຕົນເອງ, ຕິຊົມຊ່ວຍເຫຼືອເຊິ່ງກັນ ແລະ ກັນຢ່າງແຂງແຮງ ແລະ ຮັກສາ ນາມມະຍົດໜ່ວຍພັກພັກປອດໃສ, ເຂັ້ມແຂງ, ໜັກແໜ້ນຕະຫຼອດໄປ.

ພາຍຫຼັງພິທີມອບ-ຮັບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນສຳເລັດ ເນື່ອງໃນໂອກາດອັນສຳຄັນນີ້ ຄະນະກວດກາແຂວງ ແລະ ຄະນະຈັດຕັ້ງແຂວງ ໄດ້ສົມທົບກັນຈັດກອງປະຊຸມຖອດຖອນບົດຮຽນຮ່ວມກັນ ໂດຍການເປັນປະທານຂອງທ່ານ ສຸກຂະຫຼຽນທອງຄຳ ຄະນະປະຈຳພັກແຂວງ ປະທານຄະນະກວດກາແຂວງ, ມີພະນັກງານຫຼັກແຫຼ່ງ, ພະນັກງານວິຊາການທັງສອງພາກສວ່ນເຂົ້າຮ່ວມ.