ໃນວັນທີ 14-15 ກັນຍາ 2024 ນີ້, ຊາວໜຸ່ມຄະນະກວດກາສູນກາງພັກ, ອົງການກວດກາແຫ່ງລັດ
14/09/2024
ໄດ້ຮ່ວມແຮງຮ່ວມໃຈກັນສົມທົບກັບບັນດາຊາວໜຸ່ມກະຊວງ-ອົງການ, ກຳລັງ ປກສ, ປກຊ ພ້ອມດ້ວຍພໍ່ແມ່ປະຊາຊົນທີ່ຢູ່ໃກ້ຄຽງ ຊ່ວຍກັນສ້າງຄູກັນນ້ຳຖ້ວມ ຢູ່ເຂດຫຼັກ 4 ບ້ານທ່າພະລານໄຊ, ບ້ານຈອມເພັດ, ທ່າພະ ແລະ ສິມມະໂນ ເມືອງສີສັດຕະນາກ ນະຄອນຫຼວງວຽງຈັນ ໂດຍການນໍາພາຂອງ ທ່ານ ວິໄລວັນ ບຸດດາຄຳ ກຳມະການສຳຮອງສູນກາງພັກ ຮອງປະທານຄະນະກວດກາສູນກາງພັກ, ອົງການກວດກາແຫ່ງລັດ ພ້ອມດ້ວຍເລຂາຄະນະບໍລິຫານງານຊາວໜຸ່ມ ແລະ ສະມາຊິກຊາວໜຸ່ມ ຄະນະກວດກາສູນກາງພັກ, ອົງການກວດກາແຫ່ງລັດ ເຂົ້າຮ່ວມຢ່າງພ້ອມພຽງ.
