ໂອກາດທີ່ມາເຄື່ອນໄຫວຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງວັນທີ 02-06 ກັນຍາ 2024 ນີ້. ຕອນເຊົ້າວັນທີ 05 ກັນຍາ 2024 ທ່ານ ດຣ ອອມ ເຢິນຕຽງ, ລັດຖະມົນຕີອາວຸໂສ, ປະທານ ອົງການຕ້ານການສໍ້ລາດບັງຫຼວງ ແຫ່ງຣາຊະອານາຈັກ ກຳປູເຈຍ ( Kitti Nitti Kosal Pandita Om Yentieng ) ພ້ອມດ້ວຍຄະນະ ໄດ້ເຄື່ອນໄຫວພົບປະ ແລະ ແລກປ່ຽນບົດແຂວງ ຫຼວງພະບາງ ໂດຍມີທ່ານ ໄຊຄຳ ອຸ່ນມີໄຊ ຮອງປະທານອົງການກວດກາແຫ່ງລັດ, ຮອງຫົວໜ້າອົງການຕ້ານການສໍ້ລາດບັງຫຼວງ ສປປ ລາວ ເຂົ້າຮ່ວມ, ໃຫ້ກຽດຕ້ອນຮັບໂດຍ ທ່ານ ຄຳຫຼ້າ ລຽນປະດິດ ຄະນະປະຈຳພັກແຂວງ, ປະທານອົງການກວດກາພັກ-ລັດແຂວງ ພ້ອມດ້ວຍຄະນະ

​ວາລະທີ 1 ແມ່ນໄດ້ເຂົ້າພົບປະທ່ານ ສຸກັນ ບຸນຍົງ ຮອງເລຂາພັກແຂວງ ຫຼວງພະບາງ ຢູ່ທີ່ຫ້ອງຮັບແຂກຫ້ອງວ່າການແຂວງ ແລະ ໄດ້ຮັບຟັງການສະເໜີສະພາບລວມຂອງແຂວງຫຼວງພະບາງ ໂດຍຫຍໍ້ ພ້ອມນີ້ທັງສອງຝ່າຍກໍ່ໄດ້ຢື້ຢາມຖາມຂ່າວຊຶ່ງກັນ ແລະ ກັນ ; ຈາກນັ້ນ ໄດ້ເດີນທາງໄປ ແລກປ່ຽນົບດຮຽນກັບຄະນະກວດກາພັກ-ລັດແຂວງ ຫຼວງພະບາງ ຢູ່ທີ່ຫ້ອງປະຊຸມຄະນະກວດກາແຂວງ ໃນພິທີ ທ່ານ ຄຳຫຼ້າ ລຽນປະດິດ ໄດ້ສະແດງຄວາມຍິນດີຕ້ອນຮັບຄະນະຜູ້ແທນຂັ້ນສູງຈາກອົງການຕ້ານການສໍ້ລາດບັງຫຼວງ ແຫ່ງຣາຊະອານາຈັກ ກຳປູເຈຍ ທີ່ໄດ້ໃຫ້ກຽດມາເຄື່ອນໄຫວຢ້ຽມຢາມພົບປະໃນຄັ້ງນີ້ ພ້ອມລາຍງານຫຍໍ້ກ່ຽວກັບການເຄື່ອນໄຫວວຽກງານກວດກາລັດ, ສະກັດກັ້ນ ແລະ ຕ້ານການສໍ້ລາດບັງຫຼວງ ຂອງແຂວງຫຼວງພະບາງ. ພ້ອມທັງມີບາງຄຳຖາມແລກປ່ຽນກ່ຽວກັບວຽກງານດັ່ງກ່າວຕຶ່ມອີກ.

ຈາກນັ້ນທ່ານ ດຣ ອອມ ເຢິນຕຽງ ກໍ່ໄດ້ກ່າວຄຳຂອບໃຈຕໍ່ການຕ້ອນຮັບຢ່າງອົບອຸ່ນ, ຈິງໃຈ ຂອງຄະນະພັກ,​ ຄະນະນໍາແຂວງຫຼວງພະບາງ ທີ່ໄດ້ໃຫ້ກຽດຕ້ອນຮັບຄະນະໃນຄັ້ງນີ້ ພ້ອມນີ້ທ່ານກໍ່ໄດ້ສະເໜີແນະນໍາບັນດາທ່ານທີ່ຮ່ວມເປັນຄະນະເດີນທາງມາໃນຄັ້ງນີ້ ໃຫ້ຮັບຊາບ ແລະ ສະແດງຄວາມຊົມເຊີຍຕໍ່ຜົນສຳເລັດໃນການປະຕິບັດວຽກງານກວດກາ,​ ວຽກງານຕ້ານການສໍ້ລາດບັງຫຼວງ. ນອກນີ້ທ່ານກໍ່ໄດ້ແລກປ່ຽນບາງບົດຮຽນກ່ຽວກັບວຽກງານຕ້ານ ແລະ ສະກັດກັ້ນການສໍ້ລາດບັງຫຼວງຂອງ ອົງການຕ້ານການສໍ້ລາດບັງຫຼວງ ແຫ່ງຣາຊະອານາຈັກ ກຳປູເຈຍ ບາງດ້ານ ໃຫ້ອົງການກວດກາລັດແຂວງຫຼວງພະບາງຮັບຊາບ.

​ໂອກາດດຽວກັນນີ້ ກໍ່ໄດ້ຢ້ຽມຊົມສະຖານທີ່ທ່ອງທ່ຽວທາງດ້ານວັດທະນະທຳຂອງແຂວງຫຼວງພະບາງຈຳນວນໜຶ່ງ.