ວຽກງານ ກວດກາລັດ, ວຽກງານຕິດຕາມຜົນການກວດກາ ໄດ້ຕິດຕາມ,ກວດ ກາໂຄງການລົງທຶນຂອງລັດເລີ່ມແຕ່ຫົວທີ ທີ່ຍັງຄ້າງຈໍານວນ 6 ໂຄງການ; ປັດຈຸບັນໄດ້ສໍາເລັດແລ້ວ 1 ໂຄງການ (ແຕ່ຢູ່ໃນໄລຍະຄໍ້າປະກັນໂຄງການ), ມີ 3 ໂຄງການຢູ່ໃນຂັ້ນຕອນສະເໜີດັດແກ້ມູນຄ່າໂຄງການ;; ເຂົ້າຮ່ວມຕິດຕາມການຂຸດຄົ້ນຫີນແຮ່-ຊາຍ ຕາມລຳແມ່ນໍ້າຂອງ ປັດຈຸບັນ ຂະແໜງການກ່ຽວຂ້ອງໄດ້ອອກໃບອະນຸຍາດຂຸດຄົ້ນທັງໝົດ 11 ຫົວໜ່ວຍ. ໃນນີ້, ບໍລິມາດທີ່ອະນຸຍາດຂຸດຄົ້ນຕົວຈິງ ມີທັງໝົດ 385,574 ແມັດກ້ອນ, ສະເລ່ຍ ລາຍຮັບເຂົ້າງົບປະມານໄດ້ 1,792,870,000 ກີບ, ແບ່ງອອກເປັນຫີນແຮ່ປະສົມຊາຍ 114,574 ແມັດກ້ອນ ແລະ ຊາຍສົດ 271,000 ແມັດກ້ອນ. ຂຸດຄົ້ນໄດ້ຕົວຈິງ 142,439 ແມັດກ້ອນ, ປະກອບມີ ຫີນແຮ່ປະສົມຊາຍ 46,696 ແມັດກ້ອນ ແລະ ຊາຍສົດ 95,743 ແມັດກ້ອນ (ປັດໄຈໜຶ່ງ ທີ່ບໍ່ສາມາດ ຂຸດຄົ້ນຫີນແຮ່-ຊາຍ ໄດ້ຕາມແຜນການ ເນື່ອງຈາກການເພີ່ມຂຶ້ນ ຫຼື ຫຼຸດລົງ ຂອງແມ່ນໍ້າຂອງບໍ່ໄປຕາມລະດູການ); ຕິດ ຕາມການແກ້ໄຂຜົນການກວດກາ ການເກັບລາຍຮັບຈາກໂຄງການເຮັດທົດລອງຂຸດຄົ້ນແຮ່ຄໍາຕົກຂ້ອນ ຈໍານວນ 2 ໂຄງການ ຕາມຜົນການກວດກາ ມີ 1 ບໍລິສັດບໍ່ທັນໄດ້ຈັດຕັ້ງປະຕິບັດເນື່ອງ ຈາກວ່າຂະແໜງການກ່ຽວຂ້ອງຂອງແຂວງຫາກໍ່ອອກໃບອະນຸຍາດຂຸດຄົ້ນໃຫ້; ນອກນີ້ ຍັງໄດ້ລົງເຜີຍແຜ່ນິຕິກຳກຽ່ວກັບວຽກງານຕິດຕາມ, ກວດກາ ແລະ ວຽກງານສະກັດກັ້ນຕ້ານການສໍ້ລາດບັງຫຼວງ ຢູ່ບັນດາພະແນກການ, ອົງການທຽບເທົ່າ ອ້ອມຂ້າງແຂວງ ຈໍານວນ 6 ຄັ້ງ; ຮັບເອກະສານແຈ້ງຊັບສິນ ຂອງພະນັກງານທີ່ຍົກຍ້າຍມາຈາກບ່ອນອື່ນ ຈໍານວນ 1 ຊຸດ; ວຽກງານ ຄົ້ນຄວ້າຄໍາຮ້ອງ-ຄໍາສະເໜີໄດ້ຮັບຄໍາຮ້ອງທັງໝົດ 13 ສະບັບ, ໃນນັ້ນໄດ້ຮັບຈາກຕູ້ຮັບຄໍາຮ້ອງ 10 ສະບັບ, ບຸກ ຄົນມາຍື່ນດ້ວຍຕົນເອງ 3 ສະບັບ, ຄະນະກວດກາແຂວງພວມຄົ້ນຄວ້າແກ້ໄຂມີ 6 ສະບັບ, ຍັງອີກ 7 ສະບັບແມ່ນໄດ້ສົ່ງໃຫ້ພາກສ່ວນກ່ຽວຂ້ອງຄົ້ນຄວ້າແກ້ໄຂ ພ້ອມທັງຕິດຕາມຊຸກຍູ້ໃຫ້ພາກສ່ວນດັ່ງກ່າວຄົ້ນຄວ້າແກ້ໄຂຕາມລະບຽບການ ແລະໃຫ້ທ່ວງທັນກັບເວລາ. ໃນຕອນທ້າຍກອງປະຊຸມ ທ່ານ ສຸກຂະ ຫຼຽນທອງຄຳ ກໍ່ໄດ້ມີຄໍາເຫັນ ໂອລົມພ້ອມທັງ ຊີ້ນຳບາງບັນຫາຕໍ່ ກອງປະຊຸມເປັນຕົ້ນ ໃຫ້ພ້ອມກັນເອົາໃຈໃສ່ປະຕິບັດພາລະບົດບາດຂອງຂະແໜງການຂອງຕົນຢ່າງເປັນປົກກະຕິ, ມີຄວາມຮັບຜິດຊອບສູງຕໍ່ໜ້າທີ່ວຽກງານ, ມີຄວາມຊື່ສັດ, ມີຈັດຍາບັນ, ຈັນຍາທໍາ ຕໍ່ການເຄື່ອນ ໄຫວປະຕິບັດໜ້າທີ່ວຽກງານກວດກາ ຢ່າງເຂັ້ມງວດ. ເພີ່ມທະວີປະຕິບັດນະໂຍບາຍ, ມະຕິ, ຄຳສັ່ງຂອງການຈັດຕັ້ງຂັ້ນເທິງ, ຂັ້ນຕົນໃຫ້ຫັນເປັນແຜນການອັນລະອຽດ ເພື່ອເປັນບ່ອນອີງໃນການຈັດຕັ້ງປະຕິບັດວຽກງານຕົວຈິງ ໃຫ້ມີຜົນສຳເລັດດ້ວຍປະສິດທິຜົນສູງ.

ພາບ-ຂ່າວ: ຫຸມພັນ ໄຊຍະສັກ ນັກຂ່າວຄະນະກວດກາແຂວງບໍ່ແກ້ວ