ເມືອງແອດຈັດພິທີປະກາດ ແຕ່ງຕັ້ງຮອງປະທານ ອົງການກວດກາລັດເມືອງ ຄົນໃໝ່.

17/07/2024

ໃນວັນທີ່ 5 ກໍລະກົດ 2024 ເມືອງແອດ ແຂວງຫົວພັນໄດ້ຈັດພິທີປະກາດ ແຕ່ງຕັ້ງ ສະຫາຍ ພັນສະຫວັດ ດວງສີ ຫົວໜ້າໜ່ວຍງານກວດກາພັກ ຂື້ນເປັນ ຮອງປະທານ ອົງການກວດກາພັກ - ລັດເມືອງແອດ (ຄົນໃໝ່) ຂື້ນຢູ່ທີ່ຫ້ອງປະຊຸມຊັ້ນ 2 ຫ້ອງວ່າການປົກຄອງເມືອງ, ໂດຍການເປັນປະທານພິທີຂອງ ສະຫາຍ ນູສອນ ແກ້ວພະພຸດ ຮອງເລຂາພັກເມືອງ ປະທານກວດກາພັກ-ລັດເມືອງແອດ, ມີບັນດາສະຫາຍ ຫົວໜ້າ, ຮອງຫົວໜ້າຫ້ອງການອ້ອມຂ້າງເມືອງແອດ ເຂົ້າຮ່ວມຢ່າງພ້ອມພຽງ. ໃນພິທີ ສະຫາຍ ນາງ ມະນີວອນ ສອນມະນີ ຄະນະປະຈຳພັກເມືອງ ຫົວໜ້າຄະນະຈັດຕັ້ງເມືອງ ໄດ້ຜ່ານມະຕິຕົກລົງສະບັບເລກທີ່ 319 /ຈມ; ລົງວັນທີ່ 25 ມີຖຸນາ 2024 ວ່າດ້ວຍການແຕ່ງຕັ້ງ ຮອງປະທານກວດກາພັກ- ລັດເມືອງແອດ ຈາກທ່ານເຈົ້າເມືອງແອດ

ຕອນທ້າຍ ສະຫາຍ ນູສອນ ແກ້ວພະພຸດ ຮອງເລຂາພັກເມືອງ ປະທານກວດກາພັກ-ລັດເມືອງແອດໄດ້ໃຫ້ກຽດມີຄຳເຫັນໂອ້ລົມຕໍ່ພິທີ ໂດຍໄດ້ເນັ້ນບາງເນື້ອໃນສໍາຄັນດັ່ງນີ້:

1. ເພີ່ມທະວີ ກວດກາການຈັດຕັ້ງປະຕິບັດກົດລະບຽບຂອງພັກໃຫ້ເຂັ້ມງວດ, ຕິດຕາມ, ກວດກາຂະບວນການສ້າງ ໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ໃຫ້ມີຄຸນນະພາບຕາມມາດຖານ, ມີແບບແຜນວິທີເຮັດວຽກດີ.

2 . ກວດກາ ການບໍລິຫານລັດ ຂອງສຳນັກງານອົງການປົກຄອງທ້ອງຖີ່ນໃຫ້ເຄື່ອນໄຫວຕາມພາລະບົດບາດ, ສິດ ແລະ ໜ້າທີ່ຂອງຕົນໃຫ້ມີຄວາມເຂັ້ມແຂງປົກກະຕິ.

3 . ຕິດຕາມ, ກວດກາ, ຕ້ານ ແລະ ສະກັດກັ້ນການສໍ້ລາດບັງຫຼວງ ບໍ່ໃຫ້ເກີດຂື້ນໃນການຈັດຕັ້ງ ແລະ ບຸກຄົນໃຫ້ມີຄວາມໂປ່ງໃສກວດສອບໄດ້.

4 . ຕິດຕາມ, ກວດກາ ແລະ ແກ້ໄຂຄຳຮ້ອງ, ຄຳສະເໜີຕ່າງໆ ຂອງອົງການຈັດຕັ້ງພັກ - ລັດ, ພະນັກງານລັດຖະກອນ ຕະລອດຮອດປະຊາຊົນບັນດາເຜົ່າ ທີ່ຮ້ອງຂໍໃຫ້ມີການແກ້ໄຂຕາມລະບຽບກົດໝາຍໃຫ້ວ່ອງໄວທັນເວລາ.

ຂຽນຂ່າວໂດຍ: ພັນສະຫວັດ ດວງສີ

ວັນສ້າງຕັ້ງອົງການກວດກາພັກ-ລັດ ຄົບຮອບ 42 ປີ

ສ້າງກອງປະຊູມ

ວັນຕ້ານການສໍ້ລາດບັງຫລວງສາກົນ ຄົບຮອບ 21 ປີ

ຄຳແນະນຳ 331 ອກຫລ (ສະບັບປັບປຸງ)

ກົດໝາຍວ່າດ້ວຍ ການກວດກາລັດ (ສະບັບປັບປຸງ)

ແອັບກົດໝາຍລາວ LaoLaw - Official

ວາລະສານກວດກາ ສະບັບທີ 70 ປະຈຳເດືອນ 3-4 2024

ສະຖິຕີການເຂົ້າເບີ່ງ

ລະບົບບໍລິການພາກລັດປະຕູດຽວ (Gov-X)