ການເຜີຍແຜ່ເອກະສານໃນຄັ້ງນີ້ແມ່ນໄດ້ເຮັດໃຫ້ ສະມາຊິກພັກ- ພະນັກງານລັດຖະກອນໄດ້ຮັບຮູ້ ເຂົ້າໃຈຕໍ່ວັນປະຫວັດສາດສຳຄັນດັ່ງກ່າວ ແລະ ເປັນການລະນຶກເຖິງມູນເຊື້ອປະຫວັດສາດ, ຄວາມພິລະອາດຫານ ແລະ ເສຍສະຫຼະອັນສູງສົ່ງ ຂອງຜູ້ນໍາຂອງພັກ, ແນວລາວຮັກຊາດ, ກອງທັບ ແລະ ປະຊາຊົນສາມຊາດ ອິນດູຈີນໃນການຕໍ່ສູ້ກູ້ຊາດ ຕ້ານຈັກກະພັດລ່າເມືອງຂຶ້ນໃນເມື່ອກ່ອນ ໄດ້ຮໍ່າຮຽນເອົາແບບຢ່າງທີ່ດີເລີດທາງດ້ານຄຸນສົມບັດສິນທຳປະຕິວັດ ຂອງອະດີດການນໍາປະຕິວັດ ແລະ ຝຶກຝົນຫຼໍ່ຫຼອມຕົນເອງໃຫ້ກາຍເປັນຜູ້ສືບທອດທີ່ດີໃນອະນາຄົດ; ນອກນີ້ ຍັງໄດ້ເຜີຍແຜ່ ​ມະ​ຕິ 04/ກມ​ສ​ພ ເພື່ອຜັນຂະຫຍາຍແນວທາງປ່ຽນແປງໃໝ່ທີ່ມີຫຼັກການຮອບ​ດ້ານ ຂອງພັກໃນການສືບຕໍ່ສ້າງເສດຖະກິດຕະຫຼາດ ຕາມທິດສັງຄົມນິຍົມ, ພັດທະນາເສດຖະກິດໃຫ້ເປັນເຈົ້າຕົນເອງ, ເພິ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ຢ່າງໜັກແໜ້ນ,ທັງເປັນການປັບປຸງປົວແປງພາຍໃນພັກໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນທັງຮັບປະກັນການກໍ່ສ້າງພັກ ຕາມ 5 ຫຼັກການ 3 ທິດນໍາຂອງພັກໃຫ້ຖືກຕ້ອງຕາມລະບຽບຂອງພັກວາງອອກ ແລະ ເປັນການຈັດຕັ້ງປະຕິບັດແຜນວຽກງານ, ຄວາມຮັບຜິດຊອບໜ້າທີ່ການເມືອງຂອງຕົນວາງອອກໃຫ້ສໍາເລັດ.​

ພາບ-ຂ່າວ: ຫຸມພັນ ໄຊຍະສັກ ນັກຂ່າວຄະນະກວດກາແຂວງບໍ່ແກ້ວ