ໂດຍສຸມໃສ່ການຈັດຕັ້ງປະຕິບັດຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ ແລະ ການຈັດຕັ້ງປະຕິບັດກົດໝາຍວ່າດ້ວຍຜົນການກວດກາແຫ່ງລັດ ແລະ ລັດຖະບັນຍັດ ຂອງປະທານປະເທດ ວ່າດ້ວຍການດຳເນີນຄະດີປົກຄອງ ໃຫ້ປະກົດຜົນເປັນຈິງ, ເພື່ອເຮັດໃຫ້ວຽກງານດັ່ງກ່າວເປັນອັນລະອຽດ, ຍົກສູງຄຸນນະພາບໃນການຈັດຕັ້ງປະຕິບັດໜ້າທີ່ວຽກງານການປະສານງານລະຫວ່າງ ອົງການກວດກາແຫ່ງລັດ ແລະ ສານປະຊາຊົນສູງສຸດ ໄດ້ເຄື່ອນໄຫວຕາມພາລະບົດບາດ, ສິດ, ໜ້າທີ່ ແລະ ຄວາມຮັບຜິດຊອບໃນການແກ້ໄຂຄະດີ ໃຫ້ມີຜົນສັກສິດ, ເຂັ້ມງວດ ແລະ ຍຸຕິທຳ. ເຊິ່ງໃນບົດບັນທຶກສະບັບນີ້ແມ່ນໄດ້ກຳນົດຫຼັກການ, ລະບຽບການ ແລະ ກົນໄກການປະສານງານ ລະຫວ່າງ ອົງການກວດກາແຫ່ງລັດ ແລະ ສານປະຊານຊົນສູງສຸດ ກ່ຽວກັບການເຄື່ອນໄຫວຄະດີ ທາງປົກຄອງ ຫຼື ບໍລິຫານ ແລະ ຄະດີອື່ນໆ ເພື່ອໃຫ້ວຽກງານທັງສອງຝ່າຍມີຄວາມເຂັ້ມແຂງ, ມີປະສິດທິພາບ, ປະສິດທິຜົນ ແນໃສ່ສະກັດກັ້ນ, ຕ້ານ ແລະ ແກ້ໄຂປະກົດການຫຍໍ້ທໍ້ຕ່າງໆ ທີ່ເກີດຂຶ້ນໃນອົງການຈັດຕັ້ງ ແລະ ສັງຄົມ, ເພີ່ມທະວີຄວາມສັກສິດ ໃນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ດ້ວຍກົດໝາຍ, ປົກປ້ອງຜົນປະໂຫຍດຂອງລັດ, ລວມໝູ່, ສິດ, ພັນທະ ແລະ ຜົນປະໂຫຍດອັນຊອບທຳ ຂອງພົນລະເມືອງ ປະກອບສ່ວນເຂົ້າໃນການພັດທະນາ ແລະ ສ້າງລັດ ທີ່ປົກຄອງດ້ວຍກົດໝາຍ. ໃນຮ່າງບົດບັນທຶກດັ່ງກ່າວແມ່ນປະກອບມີ 03 ໝວດ ແລະ 11 ມາດຕາ ຄື: ໝວດທີ I ກຳນົດຫຼັກການລວມ; ໝວດທີ II ກຳນົດເນື້ອໃນ, ຄວາມຮັບຜິດຊອບ, ກົນໄກ ແລະ ວິທີການປະສານງານ; ໝວດທີ III ການຈັດຕັ້ງປະຕິບັດ.