ກະຊວງການຕ່າງປະເທດໄດ້ຈັດກອງປະຊຸມຜັນຂະຫຍາຍ ເນື້ອໃນຈິດໃຈຂອງກອງປະຊຸມວຽກງານກວດກາທົ່ວປະເທດ ປະຈໍາປີ 2022 ແລະ ທິດທາງວຽກງານຈຸດສຸມ 2023 ຂອງຄະນະກວດກາສູນກາງພັກຂຶ້ນໃນວັນທີ 29 ມີນາ 2023, ໂດຍການໃຫ້ກຽດເປັນປະທານຂອງ ສະຫາຍ ບຸນເຫຼືອ ພັນດານຸວົງ, ຄະນະປະຈໍາພັກກະຊວງ, ປະທານຄະນະກວດກາພັກກະຊວງ, ຮອງລັດຖະມົນຕີກະຊວງການຕ່າງປະເທດ ແລະ ມີບັນດາສະຫາຍຄະນະກໍາມະການພັກກະຊວງ, ບັນດາ ສະຫາຍ ເລຂາໜ່ວຍພັກ, ຄະນະກົມ, ຄະນະພະແນກ ແລະ ພະນັກງານກົມກວດກາຂອງກະຊວງການຕ່າງປະເທດ ເຂົ້າຮ່ວມຢ່າງພ້ອມພຽງ.

ໃນກອງປະຊຸມໄດ້ຮັບຟັງບົດສະຫຼຸບຫຍໍ້ ການຕີລາຄາການເຄື່ອນໄຫວວຽກງານກວດກາ ປີ 2022 ແລະ ທິດທາງວຽກງານຈຸດສຸມປີ 2023 ຂອງຄະນະກວດກາສູນກາງພັກ, ສະເໜີໂດຍ ສະຫາຍ ນາງ ໄກມະນີ ອໍລະບູນ, ກໍາມະການຄະນະພັກກະຊວງ, ຫົວໜ້າກົມກວດກາ. ພ້ອມກັນນີ້, ສະຫາຍ ບຸນເຫຼືອ ພັນດານຸວົງ ຍັງໄດ້ໃຫ້ກຽດເຜີຍແຜ່ເຊື່ອມຊຶມເນື້ອໃນ ເອກະສານປາຖະກະຖາມູນເຊື້ອວັນສ້າງຕັ້ງອົງການກວດກາ ພັກ-ລັດ ຄົບຮອບ 41 ປີ ແລະ ບົດໂອ້ລົມຂອງ ສະຫາຍ ຄໍາພັນ ພົມມະທັດ, ກໍາມະການກົມການເມືອງສູນກາງພັກ, ເລຂາທິການສູນກາງພັກ, ປະທານຄະນະກວດກາສູນກາງພັກ, ປະທານອົງການກວດກາແຫ່ງລັດ ແລະ ຕ້ານການສໍ້ລາດບັງຫຼວງຂັ້ນສູນກາງ. ສະຫາຍ ໄດ້ຍົກໃຫ້ເຫັນຄວາມໝາຍຄວາມສໍາຄັນຂອງວັນສ້າງຕັ້ງອົງການກວດກາພັກ-ລັດ,