ໃນລະຫວ່າງວັນທີ 22-23 ຕຸລາ 2025, ທ່ານ ສົມສັກ ທົງຄໍາຫານ ກໍາມະການປະຈໍາພັກແຂວງ, ປະທານຄະນະກວດກາພັກ-ອົງການກວດກາລັດແຂວງ, ຫົວໜ້າອົງການຕ້ານການສໍ້ລາດບັງຫຼວງແຂວງ ໄດ້ລົງເຄື່ອນໄຫວ ຕິດຕາມ, ກວດກາ, ຊຸກຍູ້ ການຈັດ​ຕັ້ງ​ປະຕິບັດວຽກງານກວດກາຮອບດ້ານ ຕິດພັນກັບການກວດກາປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຢູ່ເມືອງຕະໂອ້ຍ ແລະ ເມືອງສະໝ້ວຍ ໂດຍການເຂົ້າຮ່ວມຂອງສະຫາຍເລຂາຄະນະບໍລິຫານງານເມືອງ, ກໍາມະການປະຈໍາພັກເມືອງ, ກໍາມະການພັກເມືອງ, ຄະນະຮັບຜິດຊອບຂັ້ນເມືອງໃນການກວດກາ-ປະເມີນຜົນໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ຄະນະກວດກາພັກເມືອງ ເຂົ້າຮ່ວມ.ໃນກອງປະຊຸມ, ໄດ້ຮັບຟັງການລາຍງານໂດຍຫຍໍ້ການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຕິດພັນກັບການພັດທະນາເສດຖະກິດ-ສັງຄົມຂອງເມືອງ; ການເຄື່ອນໄຫວວຽກງານກວດກາພັກ, ກວດກາລັດ, ສະກັດກັ້ນ-ຕ້ານການສໍ້ລາດບັງຫຼວງ ແລະ ຄົ້ນຄວ້າຄໍາຮ້ອງ-ຄໍາສະເໜີ ແລະ ການກະກຽມດໍາເນີນການກວດກາ-ປະເມີນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2025, ພ້ອມດຽວກັນນີ້ ປະທານກອງປະຊຸມໄດ້ມີບາງຄໍາເຫັນເຈາະຈີ້ມ ແລະ ບັນດາທ່ານຜູ້ແທນທີ່ເຂົ້າກອງປະຊຸມໄດ້ຜັດປ່ຽນກັນປະກອບຄໍາເຫັນແລກປ່ຽນຖອດຖອນບົດຮຽນ ໂດຍຍົກໃຫ້ເຫັນຂໍ້ສະດວກ-ຂໍ້ຫຍຸ້ງຍາກໃນໄລຍະຜ່ານມາ.