ໃນຕອນເຊົ້າ ວັນທີ 30 ກໍລະກົດ 2025 ນີ້, ທີ່ຫ້ອງປະຊຸມຂອງຄະນະກວດກາແຂວງສາລະວັນ ໄດ້ຈັດພິທີປະກາດແຕ່ງຕັ້ງ ຮອງປະທານຄະນະກວດກາພັກແຂວງ ຜູ່ໃໝ່ຂຶ້ນ, ໂດຍໃຫ້ກຽດເປັນປະທານຂອງ ສະຫາຍ ນາງ ບຸນທະວີ ດວງລາສີ ຮອງເລຂາພັກແຂວງ ຜູ້ຊີ້ນໍາວຽກງານການເມືອງແນວຄິດວຽກພັກ-ພະນັກງານ, ມີ ທ່ານ ສົມສັກ ທົງຄຳຫານ ກຳມະການພັກແຂວງ ປະທານຄະນະກວດກາພັກແຂວງ, ມີຜູ່ຕາງໜ້າຈາກອົງການທຽບເທົ່າ, ພະນັກງານຫຼັກແຫຼ່ງ-ພະນັກງານລັດຖະກອນ ແລະ ແຂກທີ່ຖືກເຊີນເຂົ້າຮ່ວມ.ເພື່ອຕອບສະໜອງຄວາມຮຽກຮ້ອງຕ້ອງການຂອງໜ້າທີ່ວຽກງານໃນໄລຍະໃໝ່ ກໍຄືວຽກງານວິຊາສະເພາະ ໃຫ້ມີຄວາມສະດວກ, ວ່ອງໄວ, ມີປະສິດທິພາບ ແລະ ປະສິດທິຜົນສູງ, ທັງເປັນການກະກຽມໃສ່ກອງປະຊຸມໃຫຍ່ ຂອງອົງຄະນະພັກແຂວງສາລະວັນ ຄັ້ງທີ X, ໃຫ້ເປັນຂະບວນການຟົດຟື້ນ, ແຂວງສາລະວັນ ໄດ້ປະກາດແຕ່ງຕັ້ງ ຮອງປະທານຄະນະກວດກາພັກ ແຂວງສາລະວັນຜູ້ໃໝ່, ຕາມຂໍ້ຕົກລົງ ຂອງເຈົ້າແຂວງສາລະວັນ ສະບັບເລກທີ 1327, ລົງວັນທີ 18 ກໍລະກົດ 2025, ໂດຍໄດ້ຕົກລົງແຕ່ງຕັ້ງ ສະຫາຍ ພະນົມພອນ ສີວິໄຊ ເປັນຮອງປະທານຄະນະກວດກາພັກແຂວງສາລະວັນ ຜູ່ໃໝ່.