ໃນລະຫວ່າງວັນທີ 09-26 ມິຖຸນາ 2025 ນີ້, ຄະນະກວດກາພັກ-ລັດເມືອງໄດ້ລົງຕິດຕາມຊຸກຍູ້ບັນດາຄະນະພັກຮາກຖານ ແລະ ໜ່ວຍພັກອ້ອມຂ້າງເມືອງ ໄດ້ທັງໝົດ 28 ຮາກຖານພັກໃນນີ້ມີ 03 ຄະນະພັກຮາກຖານ ແລະ 25 ໜ່ວຍພັກ, ມີເລຂາຄະນະພັກຮາກຖານ ແລະ ເລຂາໜ່ວຍພັກ, ສະມາຊິກພັກ ແລະ ສອງກອງບັນຊາການ ປກຊ-ປກສ, ພະນັກງານ-ລັດຖະກອນ, ລັດວິຊາຫະກິດ ໄຟຟ້າ, ນໍ້າປະປາ, ກຸ່ມທະນາຄານ ແລະ ຄະນະຮັບຜິດຊອບທີມງານເຂົ້າຮ່ວມຢ່າງພ້ອມພຽງ.ການລົງເຄື່ອນໄຫວຕິດຕາມ, ກວດກາ ແລະ ຊຸກຍູ້ວຽກງານກວດກາໄດ້ແບ່ງອອກເປັນ 02 ໜ່ວຍງານ ໂດຍມີ ສະຫາຍ ໂອໄຊ ສີສຸພັນ ຄະນະປະຈໍາພັກເມືອງ ປະທານ ກວດກາພັກ-ລັດເມືອງ ແລະ ສະຫາຍ ທອງຄໍາ ໄຊຍະພູມ ກໍາມະການພັກເມືອງ ຮອງປະທານ ກວດກາພັກ ນຳພາ-ຊີ້ນຳເຄື່ອນໄຫວການຕິດຕາມ, ກວດກາ ແລະ ຊຸກຍູ້ແຕ່ລະບ່ອນ ແມ່ນໄດ້ຮັບຟັງການຜ່ານບົດສະຫຼຸບການຈັດຕັ້ງປະຕິບັດວຽກງານປະຈໍາ 06 ເດືອນຕົ້ນປີ 2025 ແລະ ທິດທາງແຜນການປະຈໍາ 06 ເດືອນທ້າຍປີ 2025, ພ້ອມນີ້ ກໍ່ໄດ້ເຜີຍແຜ່ເຊື່ອມຊຶມບັນດາເອກກະສານທີ່ສໍາຄັນເປັນຄົ້ນແມ່ນ ກົດລະບຽບຂອງພັກ, ກົດໝາຍ ວ່າດ້ວຍການຕ້ານການສໍ້ລາດບັງຫຼວງ, ແຈ້ງການອົງການກວດກາລັດຖະບານ ເລກທີ 227/ອກລ ການຈັດຕັ້ງປະຕິິບັດ ດໍາລັດ ເລກທີ 159/ລບ ວ່າດ້ວຍການແຈ້ງຊັບສີນ ແລະ ພ້ອມທັງຊຸກຍູ້ການຈັດຕັ້ງປະຕິບັດ ຂໍ້ກໍານົດ ການຄົ້ນຄວ້າແກ້ໄຂຄໍາຮ້ອງທຸກ-ຄໍາສະເໜີເລກທິ 398/ຄກສພ, ດໍາລັດເລກທີ 01/ລບ ການຕິດຕາມໂຄງການລົງທືນແຕ່ຫົວທີ, ຄໍາສັ່ງເລກທີ 999/ອຊ, ລົງວັນທີ 10 ຕຸລາ 2022 ວ່າດ້ວຍການເພີ່ມທະວີຈັດຕັ້ງປະຕິບັດ ຄຸ້ມຄອງພະນັກງານ, ລັດຖະກອນ ແລະ ກໍາລັງປະກອບອາວຸດ ຢູ່ແຂວງ ອຸດົມໄຊ ຂໍ້ຕົກລົງເລກທີ 1234/ອຊ, ລົງວັນທີ 06 ທັນວ່າ 2022 ວ່າດ້ວຍ ການຄຸ້ມຄອງການຈັດງານປະເພນີຕ່າງໆ ຢູ່ແຂວງ ອຸດົມໄຊ ຂໍ້ຕົກລົງເລກທີ 1032/ອຊ, ລົງວັນທີ 24 ຕຸລາ 2022 ວ່າດ້ວຍການປະຢັດ ແລະ ຕ້ານການຟູມເຟືອຍ ແລະ ຄວາມຮູ້ພື້ນຖານ ການສືບສວນ-ສອບສວນຄະດີການສໍ້ລາດບັງຫຼວງ ໃຫ້ບັນດາຄະນະພັກຮາກຖານ, ພ້ອມນີ້ ຍັງໄດ້ມີທິດຊີ້ນໍໍາຕໍ່ກອງປະຊຸມ ແລະ ບັນດາຄະນະຮັບຜິດຊອບກອງປະຊຸມ ກໍ່ໄດ້ພັດປ່ຽນກັນຂຶ້ນຜ່ານບັນດາເອກະສານທີ່ກ່ຽວຂ້ອງດ້ວຍຄວາມຮັບຜິດຊອບສູງ ເຊິິ່ງບັນດາຄະນະພັກ, ສະມາຊິກພັກພະນັກງານ-ລັດຖະກອນກໍ່ໄດ້ມີການແລກປ່ຽນຄໍາຄິດເຫັນຕໍ່ກັບວຽກງານຕິດຕາມ, ກວດກາ ຢ່າງກົງໄປກົງມາ ດ້ວຍບັນຍາກາດອັນຟົດຟື້ນ ເຕັມໄປດ້ວຍຄວມໝາຍຄວາມສໍາຄັນ.