ເນື່ອງໃນໂອກາດທີ່ ຄະນະຜູ້ແທນ ຄະນະກໍາມະການກວດກາວິໄນພັກ ແຂວງຢູນນານ ສປ ຈີນ ຢ້ຽມຢາມ ແລະ ພົບປະແລກປ່ຽນບົດຮຽນຢູ່ ສປປ ລາວ ໃນວັນທີ 25 ມິຖຸນາ 2025 ທີ່ຜ່ານມາ ບໍລິສັດ ກໍ່ສ້າງລົງທຶນ ແລະ ຖືຮຸ້ນ ແຂວງຢູນນານ YCIH ປະຈໍາ ສປປ ລາວ ແລະ ອົງການກວດກາລັດ ນະຄອນຫຼວງວຽງຈັນ ໄດ້ລົງນາມຮ່ວມມືກັນເຊັນບົດບັນທຶກຄວາມເຂົ້າໃຈວ່າດ້ວຍການຮ່ວມມືສົ່ງເສີມສ້າງຄວາມໂປ່ງໃສຢູ່ເຂດພັດທະນາກວມລວມໄຊເສດຖານະຄອນຫຼວງວຽງຈັນພາຍໃຕ້ການຮ່ວມເປັນສັກຂີພິຍານ ຂອງ ທ່ານ ເຟີງ ຈື້ ລີ ເລຂາກວດກາພັກແຂວງ, ປະທານອົງການກວດກາລັດ ແຂວງຢູນນານ ສປ ຈີນ ແລະ ທ່ານ ວິລະສັກ ນາມມົນຕີ ປະທານອົງການກວດກາລັດ ນະຄອນຫຼວງວຽງຈັນ.ນອກຈາກນີ້, ໃນວັນທີ 27 ມິຖຸນາ 2025 ຄະນະຜູ້ແທນດັ່ງກ່າວຍັງໄດ້ເຂົ້າຮ່ວມພິທີເຊັນບົດບັນທຶກຄວາມເຂົ້າໃຈ ລະຫວ່າງ ຄະນະຄຸ້ມຄອງເຂດຮ່ວມມືເສດຖະກິດ ບໍ່ຫານ ສປ ຈີນ-ບໍ່ເຕ່ນ ສປປ ລາວ ກັບ ຄະນະຄຸ້ມຄອງເຂດເສດຖະກິດພິເສດ ແຂວງຫຼວງນໍ້າທາ ສປປ ລາວ, ກ່ຽວກັບການຮ່ວມມື ການກໍ່ສ້າງເຂດຮ່ວມມືດ້ວຍຄວາມໂປ່ງໃສ ແລະ ມີປະສິດທິພາບສູງ. ຕາງໜ້າຄະນະຄຸ້ມຄອງເຂດເສດຖະກິດພິເສດແຂວງຫຼວງນໍ້າທາ ສປປ ລາວ ໂດຍ ທ່ານ ສີພອນ ກອງຈໍາປາ ກໍາມະການພັກແຂວງ ຫົວໜ້າຄະນະຄຸ້ມຄອງເຂດເສດຖະກິດພິເສດບໍ່ເຕ່ນແດນງາມ ແລະ ຕາງໜ້າຄະນະຄຸ້ມຄອງເຂດຮ່ວມມືເສດຖະກິດບໍ່ຫານ ສປ ຈີນ-ບໍ່ເຕ່ນ ສປປ ລາວ ໂດຍ ທ່ານ ວາງຢົງ ຮອງເລຂາຄະນະພັກເຂດຮ່ວມມືບໍ່ຫານ-ບໍ່ເຕ່ນ ໂດຍຊ່ອງໜ້າຂະແໜງການທີ່ກ່ຽວຂ້ອງຝ່າຍລາວ ໂດຍ ທ່ານ ໄຊຄໍາ ອຸ່ນມີໄຊ ຮອງປະທານຄະນະກວດກາສູນກາງພັກ ຮອງປະທານອົງການກວດກາແຫ່ງລັດ, ທ່ານ ພົ.ຕ ຈັນສະແຫວງ ທິບຄຸນທອງ ຮອງເລຂາພັກແຂວງ, ປະທານຄະນະກວດກາພັກ-ອົງການກວດກາລັດແຂວງ - ຝ່າຍ ຈີນໂດຍ ທ່ານ ເຟີງ ຈື້ ລີ ກໍາມະການປະຈໍາພັກແຂວງ, ເລຂາຄະນະກໍາມະການກວດກາວິໄນພັກ ແຂວງຢູນນານ ເຂົ້າຮ່ວມເປັນສັກຂີພິຍານ.