ໃນກອງປະຊຸມໄດ້ຜ່ານ ຮ່າງບົດສະຫຼຸບການເຄື່ອນໄຫວວຽກງານກວດກາປະຈໍາປີ 2024 ແລະ ທິດທາງແຜນການປີ 2025 ຂອງເມືອງ, ຜ່ານບົດລາຍງານການຕິດຕາມ ການສົ່ງບົດສະຫຼຸບ ໜ່ວຍພັກອ້ອມຂ້າງເມືອງ. ພ້ອມນີ້ ຍັງໄດ້ເຜີຍແຜ່ບັນດາເອກະສານຕ່າງໆທີ່ພົວພັນເຖິງວຽກງານກວດກາເປັນຕົ້ນແມ່ນ ບົດບັນທຶກການປະສານງານ ລະຫວ່າງ ອົງການກວດກາແຫ່ງລັດ ກັບອົງການກວດສອບແຫ່ງລັດ; ບົດບັນທຶກລະຫວ່າງຄະນະກວດກາແຂວງອຸດົມໄຊກັບອົງການກວດສອບປະຈໍາພາກເໜືອ 02; ລະບຽບການ ວ່າດ້ວຍການຮັກສາ ເອກະສານການກວດກາລັດ ເລກທີ 138/ອກຫລ; ບົດບັນທຶກການປະສານງານລະຫວ່າງ ອົງການກວດກາແຫ່ງລັດ ກັບກະຊວງປ້ອງກັນຄວາມສະຫງົບ, ກະຊວງຍຸຕິທໍາ ແລະ ອົງການໄອຍະການປະຊາຊົນສູງສຸດໃນການດໍາເນີນຄະດີການສໍ້ລາດບັງຫຼວງ ແລະ ບົດບັນທຶກການປະສານງານ ລະຫວ່າງ ສານປະຊາຊົນສູງສຸດ ກັບອົງການກວດກາແຫ່ງລັດກ່ຽວກັບ ການດໍາເນີນຄະນະດີ. ຈາກນັ້ນຜູ້ເຂົ້າຮ່ວມກອງປະຊຸມກໍ່ໄດ້ພ້ອມກັນປະກອບຄຳເຫັນໃສ່ຮ່າງບົດສະຫຼຸບການເຄື່ອນໄຫວວຽກງານກວດກາ ຢ່າງກົງໄປກົງມາ ໂອກາດດຽວກັນນີ້ ເພື່ອເຮັດໃຫ້ຜູ້ເຮັດວຽກງານກວດກາພາຍໃນເມືອງມີຄວາມເຂົ້າໃຈຕໍ່ວຽກງານຢ່າງເລິກເຊິ່ງ ສະຫາຍ ວາລີ ຈືນໍເຢັງ ກໍາມະການພັກແຂວງ ປະທານກວດກາພັກ-ລັດແຂວງໄດ້ຊີ້ແຈງກ່ຽວກັບພາລະບົດບາດ ໜ້າທີ່ຂອງຄະນະກວດກາຂັ້ນຕ່າງໆຕື່ມອີກ.