ກອງປະຊຸມຄັ້ງນີ້, ໄດ້ຮັບຟັງການຜ່ານບົດສະຫຼຸບການເຄື່ອນໄຫວວຽກງານກວດກາ ປະຈຳປີ 2024 ແລະ ທິດທາງແຜນການ ປີ 2025 ຂອງຄະນະກວດກາພັກ ກະຊວງພາຍໃນ ແລະ ໄດ້ຮັບຟັງການເຜີຍແຜ່ບົດບັນທຶກ ລະຫວ່າງກວດກາສູນກາງພັກກັບຫ້ອງການທີ່ກ່ຽວຂ້ອງ 04 ສະບັບ ແລະ ແນະນໍາການຂຽນແບບຟອມແຈ້ງຊັບ ສິນ, ຂັ້ນຕອນ, ວິທີການປະກອບເອກະສານຄັດຕິດແບບຟອມແຈ້ງຊັບສິນ, ຈາກນັ້ນ ຜູ້ເຂົ້າຮ່ວກອງປະຊຸມໄດ້ພ້ອມກັນ ປະກອບຄໍາເຫັນຕໍ່ການເຄື່ອນໄຫວວຽກງານຕິດຕາມ-ກວດກາ, ສະກັດກັ້ນການສໍ້ລາດບັງຫຼວງ ແລະ ວຽກ ງານແຈ້ງຊັບສິນ-ລາຍຮັບ ໃນໄລຍະຜ່ານມາ ຍົກໃຫ້ເຫັນດ້ານດີທີ່ຈະຕ້ອງໄດ້ເສີມຂະ ຫຍາຍ, ດ້ານອ່ອນຂໍ້ຄົງຄ້າງ ທີ່ຕ້ອງໄດ້ປັບປຸງແກ້ໄຂໃນຕໍ່ໜ້າ; ແນ່ໃສ່ເຮັດໃຫ້ວຽກງານຕິດຕາມ, ກວດກາ, ສະກັດກັ້ນ ແລະ ຕ້ານການສໍ້ລາດ ບັງຫຼວງ ແລະ ວຽກງານແຈ້ງຊັບສິນ ແລະ ລາຍຮັບ ໄດ້ຮັບການຈັດຕັ້ງປະຕິບັດຢ່າງເຂັ້ມງວດ, ມີການຫັນປ່ຽນຢ່າງແຂງແຮງ ແລະ ເພື່ອປະກອບສ່ວນເຮັດໃຫ້ການຄຸ້ມຄອງລັດດ້ວຍກົດໝາຍມີຄວາມສັກສິດ, ການກໍ່ສ້າງພັກ ໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນ ຕິດພັນກັບການບຳລຸງ, ກໍ່ສ້າງພະນັກງານປະເພດຕ່າງໆ ເປັນຕົ້ນນພະນັກງານນໍາພາ-ຄຸ້ມຄອງ ກໍ່ຄືພະນັກງານສືບທອດປ່ຽນແທນແຕ່ລະຂັ້ນໃຫ້ສາມາດນໍາພາ-ຊີ້ນໍາຜັນ ຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ຂອງພັກ ກໍ່ຄືມະຕິກອງປະຊຸມໃຫຍ່ ຄັ້ງທີ II ຂອງຄະນະພັກກະຊວງຕິດພັນກັບ 2 ວາລະແຫ່ງຊາດ ໃຫ້ປະກົດ ຜົນເປັນຈິງ.

ຕອນທ້າຍກອງປະຊຸມທ່ານ ປອ ວິໄລວົງ ບຸດດາຄໍາ ໄດ້ໃຫ້ກຽດມີຄຳເຫັນໂອ້ລົມຕໍ່ກອງປະຊຸມໃນຄັ້ງນີ້ ໂດຍທ່ານໄດ້ເນັ້ນບາງບັນຫາທີ່ສໍາຄັນ ວ່າ: ວຽກງານຕິດຕາມ, ກວດກາ ແມ່ນວຽກງານໜຶ່ງທີ່ສໍາຄັນໃນບົດບາດການນໍາພາຂອງພັກ ແລະ ການຄຸ້ມຄອງຂອງ ລັດ, ຄືດັ່ງທັດສະນະຂອງພັກທີ່ວ່າ “ ບໍ່ມີການກວດກາກໍ່ໝາຍຄວາມວ່າບໍ່ມີການນໍາພາ "ເພາະວຽກງານຕິດຕາມ, ກວດກາແມ່ນວຽກງານໜຶ່ງທີ່ຕິດພັນ ແລະ ສອດຫ້ອຍຢູ່ໃນທຸກຂົງເຂດວຽກງານ, ເປັນວຽກທີ່ຄະນະພັກ-ຄະນະ ນໍາ ຮັບຜິດຊອບໂດຍກົງ ແລະ ຕ້ອງໄດ້ເຮັດເປັນປົກກະຕິ, ຍ້ອນການກວດກາແມ່ນເຄື່ອງມືທີ່ສໍາຄັນໃນການປະ ເມີນ, ຕີລາຄາຄຸນນະພາບ ແລະ ປະສິດທິຜົນ ໃນການແກ້ໄຂບັນຫາຕ່າງໆ ກ່ຽວກັບການກໍ່ສ້າງພັກ, ກໍ່ສ້າງ ພະນັກງານ, ໄລຍະຜ່ານມາຄະນະພັກ, ຄະນະນໍາ ກໍ່ຄືຄະນະກວດກາແຕ່ລະຂັ້ນ ໄດ້ພ້ອມກັນນໍາພາ-ຊີ້ນໍາ ຢ່າງໃກ້ຊິດຕິດແທດກັບວຽກງານຕິດຕາມ, ກວດກາ, ສະກັດກັ້ນ ແລະ ຕ້ານການສໍ້ລາດບັງຫຼວງ ດ້ວຍຄວາມຮັບຜິດຊອບ ສູງ. ດັ່ງນັ້ນ, ຄະນະພັກທຸກຂັ້ນ ລວມທັງຜູ້ເຮັດວຽກງານກວດກາພັກ ຂອງບັນດາໜ່ວຍພັກ ຫ້ອງການ, ບັນດາ ກົມ, ສະຖາບັນ ແລະ ສູນ ຕ້ອງໄດ້ກຳແຫນ້ນ, ເຂົ້າໃຈຢ່າງເລິກເຊິ່ງ ແລະ ນໍາເອົາເນື້ອໃນຈິດໃຈຂອງກອງປະຊຸມ ຄັ້ງນີ້ ເປັນບ່ອນອີງໃນການນໍາພາ-ຊີ້ນໍາ ໃນການຈັດຕັ້ງປະຕິບັດວຽກງານຢູ່ໃນການຈັດຕັ້ງຂອງຕົນໃຫ້ມີຄວາມໜັກ ແໜ້ນເຂັ້ມແຂງ.