ວັນທີ 4 ມັງກອນ 2024 ນີ້, ຄະນະກວດກາພັກ-ລັດແຂວງຊຽງຂວາງຮ່ວມກັບ ຄະນະກວດກາສູນກາງພັກ ແລະ ອົງການກວດກາແຫ່ງລັດ ຈັດຝຶກອົບຮົມວຽກງານສື່ມວນຊົນ ຂຶ້ນທີ່ຫ້ອງປະຊຸມຂອງຄະນະກວດກາພັກ-ລັດແຂວງ, ໂດຍມີ ທ່ານ ພອນສີ ພິນລາວົງ ຮອງປະທານຄະນະກວດກາພັກ-ລັດ ແຂວງເປັນປະທານ ແລະ ກ່າວເປີດຊຸດຝຶກອົບຮົມໃນຄັ້ງນີ້, ມີທ່ານ ນາງ ບຸນອ້ອມ ອຸ່ນມະໂນ ຮອງຫົວໜ້າກົມຄົ້ນຄວ້າ ແລະ ວາລະສານກວດກາ, ຮອງຫົວໜ້າບັນນາທິການ ວາລະສານກວດກາ, ພ້ອມດ້ວຍທິມງານຈາກຄະນະກວດກາສູນກາງພັກ ແລະ ອົງການກວດກາແຫ່ງ ລັດ, ມີ ນັກສໍາມະນາກອນຈາກຄະນະກວດກາພັກ-ລັດແຂວງ, ບັນດາເມືອງ ແລະ ພະແນກການອ້ອມຂ້າງແຂວງເຂົ້າຮ່ວມທັງໝົດ 25 ທ່ານ, ຍິງ 07 ທ່ານ.

ພິທີທ່ານ ພອນສີ ພິນລາວົງ ໄດ້ກ່າວເປີດຊຸດຝິກອົບຮົມວຽກງານສື່ມວນຊົນ ໂດຍໄດ້ຍົກໃຫ້ເຫັນຄວາມໝາຍຄວາມສໍາຄັນຂອງວຽກງານສື່ມວນຊົນ ເຊິ່ງເປັນວຽກງານໜຶ່ງທີ່ສໍາຄັນ ກ່ຽວກັບການໂຄສະນາເຜີຍແຜ່ບັນດາມະຕິ, ຄໍາສັ່ງ, ນິຕິກໍາຕ່າງ ຂອງພັກ-ລັດ, ຜົນສໍາເລັດກາເຄື່ອນໄຫວວຽກງານດ້ານຕ່າງໆ. ໂດຍສະເພາະແມ່ນກ່ຽວກັບວຽກງານກວດກາ ໃຫ້ສັງຄົມໄດ້ຮັບຮູ້ເຂົ້າໃຈຢ່າງເລິກເຊິ່ງ ແລະ ເຂົ້າຮ່ວມການຕິດຕາມ, ກວດກາ ຢ່າງກວ້າງຂວາງ, ຕີຖອຍແນວຄິດຢ້ານການກວດກາຢູ່ທຸກຂົງເຂດວຽກງານ ເຮັດໃຫ້ບັນດາເປົ້າໝາຍເຂົ້າຮ່ວມການເຄື່ອນໄຫວວຽກງານຕິດຕາມ, ກວດກາພວກເຮົາດີຂຶ້ນ,