ຕອນທ້າຍພິທີ ທ່ານ ຄໍາຫຼ້າ ລຽນປະດິດ ກໍ່ໄດ້ມີຄໍາເຫັນ-ໂອ້ລົມ ເຊິ່ງເພີ່ນໄດ້ກ່າວວ່າ: ພັກ-ລັດ ເຮົາຍາມໃດກໍ່ຖືສໍາຄັນຕໍ່ການປະຕິບັດນະໂຍບາຍ ຕໍ່ພະນັກງານຂັ້ນຕ່າງໆ ຢ່າງມີຫຼັກການ ເປັນຕົ້ນແມ່ນການຍົກສູງ, ຍົກລະດັບ, ການບັນຈຸຊັບຊ້ອນ, ຈັດວາງ, ການຍ້ອງຍໍສັນລະເສີນ; ເລື່ອນຊັ້ນ-ຂັ້ນເງິນເດືອນ, ການຮັບອຸດໜູນ, ຮັບບຳນານ ເຊິ່ງອັນນີ້ ແມ່ນການປະຕິບັດນະໂຍບາຍຕໍ່ພະນັກງານຂັ້ນຕ່າງໆຢ່າງຖືກຕ້ອງຕາມລະບຽບ ແລະ ຕາມກົດໝາຍວ່າດ້ວຍພະນັກງານ-ລັດຖະກອນ, ໃນພາກທີ III, ໝວດທີ 5, ມາດຕາ 70 ການຮັບອຸດໜູນບຳນານ ໄດ້ກຳນົດວ່າພະນັກງານ-ລັດຖະກອນທຸກຄົນ ເມື່ອເຖິງອາຍຸກະສຽນບຳນານ ແລະ ຄົບປີການແລ້ວ ຕ້ອງໄດ້ຮັບອຸດໜູນບຳນານໂດຍບໍ່ຈໍາເປັນຕ້ອງຂຽນຄໍາຮ້ອງ ເຊິ່ງການຈັດຕັ້ງຂອງຜູ້ກ່ຽວ ສັງກັດຢູ່ ເປັນຜູ້ແຈ້ງໃຫ້ຮູ້ກ່ອນລ່ວງໜ້າໜຶ່ງປີ. ເຊິ່ງທ່ານ ສົມໝາຍ ສຸທິວົງ ກໍ່ໄດ້ເຮັດສຳເລັດໜ້າທີ່ວຽກງານທີ່ຂັ້ນເທິງມອບໝາຍ ຈົນໄດ້ຮັບການປະຕິບັດນະໂຍບາຍເຂົ້າຮັບອຸດໜູນເບ້ຍບຳນານ ຕາມລະບຽບການ. ດັ່ງນັ້ນ, ພະນັກງານຫຼັກແຫຼ່ງສືບທອດ, ພະນັກງານໜຸ່ມນ້ອຍ ຕ້ອງໄດ້ສືບຕໍ່ຮໍ່າຮຽນເອົາບົດຮຽນ, ປະສົບການທີ່ດີ ເພື່ອມາໝູນໃຊ້ເຂົ້າໃນວຽກງານ ແລະ ພັດທະນາຕົນເອງ ໃຫ້ກາຍເປັນພະນັກງານທີ່ດີ-ທີ່ເກັ່ງໃນຕໍ່ໜ້າ.

ຂ່າວໂດຍ: ນາງ ພິດອາລຸນ ລຽນສຸລິສັກ