ຈຸດປະສົງຂອງການຈັດກອງປະຊຸມໃນຄັ້ງນີ້ ແມ່ນເພື່ອ ເປີດໂອກາດໃຫ້ນັກວິທະຍາກອນ ແລະ ນັກສຳມະນາກອນຂອງພາກສ່ວນຕ່າງໆໃນພາກພື້ນອາຊີຕາເວັນອອກສຽງໃຕ້ ແລະ ປາຊີຟິກ ໄດ້ແລກປ່ຽນປະສົບການ, ບົດຮຽນທີ່ດີໃນການປ້ອງກັນ ແລະ ຕ້ານການສໍ້ລາດບັງຫຼວງໃນຍຸກດິຈິຕອນ ລວມທັງ ນະວັດຕະກຳໃໝ່ໆທີ່ນຳໃຊ້ເຂົ້າໃນວຽກງານຕິດຕາມກວດກາສິ່ງທ້າທາຍຕ່າງໆທີ່ຕິດພັນກັບການປົກຄອງທີ່ດີ, ຄວາມຊື່ສັດ ແລະ ຄວາມໂປ່ງໃສທີ່ເກີດຂຶ້ນໃນຢູ່ໃນສັງຄົມຍຸກດິຈິຕອນ ໂດຍສະເພາະແມ່ນບັນຫາຕ່າງໆທີ່ກ່ຽວຂ້ອງກັບຄວາມໂປ່ງໃສ, ຄວາມຮັບຜິດຊອບ, ຄວາມຊື່ສັດໃນພາກລັດ ແລະ ເອກະຊົນ; ເພື່ອເນັ້ນໃຫ້ເຫັນເຖິງນະໂຍບາຍໃໝ່ໆ, ເຄື່ອງມືດິຈິຕອນ ແລະ ວິທີການທີ່ ເປັນພື້ນຖານໃນການເສີມສ້າງຄວາມໂປ່ງໃສ ແລະ ສະກັດກັ້ນການສໍ້ລາດບັງຫຼວງ; ເພື່ອຊອກຫາທິດທາງໃນການປົກຄອງແບບເທົ່າທຽມ, ທັນສະໄໝ ແລະ ວິທີການຕ່າງໆທີ່ລັດຖະບານສາມາດເສີມສ້າງຄວາມໂປ່ງໃສ, ຄວາມຊື່ສັດ ແລະ ຄວາມໄວ້ເນື້ອເຊື່ອໃຈຂອງປະຊາຊົນຕໍ່ກັບສະພາບແວດລ້ອມໃນຍຸກດິຈິຕອນ; ພ້ອມທັງເພື່ອສຸມໃສ່ບົດບາດຂອງຜູ້ທີ່ໄດ້ຮັບຜົນປະໂຫຍດທີ່ແທ້ຈິງໃນການສ້າງຄວາມເຂັ້ມແຂງດ້ານການຕ້ານການສໍ້ລາດບັງຫຼວງຂອງປະເທດໄທ ແລະ ປະເທດຕ່າງໆໃນພາກພື້ນແລະ ການສະໜັບສະໜູນໃຫ້ເຂົ້າເປັນສະມາຊິກຂອງອົງການຮ່ວມມືທາງດ້ານເສດຖະກິດ ແລະ ການພັດທະນາ (OECD) ລວມທັງເພື່ອສະແດງໃຫ້ເຫັນເຖິງວິທີການເຊື່ອມໂຍງຂໍ້ມູນທີ່ກ່ຽວຂ້ອງກັບຜູ້ທີ່ໄດ້ຮັບຜົນປະໂຫຍດທີ່ແທ້ຈິງ (BO Data) ແລະ ການເປີດເຜີຍຂໍ້ມູນຂອງບຸກຄົນ ທີ່ມີໜ້າທີ່ຕຳແໜ່ງທາງການເມືອງ (PEPs), ມາດຕະຖານປັບປຸງການກວດກາຄວາມສ່ຽງຕໍ່ການສໍ້ລາດບັງຫຼວງ ແລະ ຄວາມຮັບຜິດຊອບ; ເພື່ອແນະນໍາແພັລດຟອມຂໍ້ມູນເປີດຂອງເຄືອຄ່າຍອົງກອນພາກປະຊາສັງຄົມໃນອາຊີຕາເວັນອອກສຽງໃຕ້ ເພື່ອຕ້ານການສໍ້ລາດບັງຫຼວງ (SEA-CAN) ເພື່ອເປັນເຄື່ອງມືໃຫ້ແກ່ນັກຂ່າວ, ອົງການທາງສັງຄົມນິຍົມ ແລະ ສະຖາບັນທີ່ກ່ຽວຂ້ອງ; ເມື່ອການສໍ້ລາດບັງຫຼວງແຜ່ຫຼາຍຂຶ້ນອອກເປັນວົງກວ້າງໃນຮູບແບບດີຈິຕອນ, ບັນດາຫົວໜ່ວຍທຸລະກິດ ແລະ ສະຖາບັນຕ່າງໆ ຈຶ່ງປະເຊີນກັບຄວາມສ່ຽງ ໃໝ່ໆ ນັບຕັ້ງແຕ່ການໃຫ້ສິນບົນຜ່ານສະກຸນເງິນດີຈິຕອນ (crypto) ໄປຈົນເຖິງການສໍ້ໂກງທາງອິນເຕີເນັດ ແລະ ລະບົບຫ່ວງໂສ້ອຸປະທານດິຈິຕອນທີ່ບໍ່ໂປ່ງໃສ. ສະນັ້ນ, ການມາຮ່ວມກັນຂອງຜູ້ນໍາໃນພາກເອກະຊົນທົ່ວໂລກ ແລະ ພາກພື້ນ ເພື່ອຫາວິທີການຫັນເປັນທັນສະໄໝ, ການປະຕິບັດຕາມກົດລະບຽບ ແລະ ການຮ່ວມມືສ້າງຄວາມໂປ່ງໃສທາງທຸລະກິດໃນອາຊີຕາເວັນອອກສ່ຽງໃຕ້ ແລະ ປາຊີຟິກ.

ນອກນີ້ ໃນກອງປະຊຸມຍັງໄດ້ເປີດໂອກາດໃຫ້ຜູ້ເຂົ້າຮ່ວມໄດ້ມີໂອກາດແລກປ່ຽນບົດຮຽນທີ່ໜ້າສົນໃຈເຊິ່ງກັນ ແລະ ກັນຕື່ມອີກ.